Verkefninu hefur verið skilað og nú tekur við allskonar rugl:
-Fimmtudagur - Partý sem við busarnir halda fyrir þá sem eru að útskrifast
-Föstudagur - fáum verkefnið til baka... fáum að vita hvort við höfum staðist önnina eða að við þurfum að vinna í þessu í sumarfríinu....arrrg
-Föstudagur - Partý til heiðurs því að fyrsta önnin er að klárast. Þemað er Hawai !!!!
lausu dagarnir fram að næsta þriðjudegi notaðir í að lesa fyrir munlegt próf upp úr öllu námsefni annarinar. Prófið gildir ekki neitt en metur bara stöðuna, væri nú leiðinilegt að valda kennara greyinu vonbrigðum.

ohh sakna Ingós alveg ólýsanlega mikið....

Svo á þriðjudaginn kemur syss og reynir í heimsókn og vá hvað verður gaman að fá þau til mín. Við ætlum að leigja bíl og keyra Jótland á enda og það verður:
-farð í stærsta sædýrasafn danmerkur
-Go kartað í höllin í Esbjerg
-bowlað
-vonandi farið í legoland
-málað og flutt í nýtt húsnæði
-voða gaman......... vona bara að sólin láti sjá sig ;)

Hlakka til að sjá ykkur, svo eru bara 16 dagar í heimferð..... vá hvað þetta líður hratt

púhha, voðalega er maður orðin gamall!
þynkan er eitthvað að gera vart við sig eftir þvílíkt skemmtilegt kvöld, eitt er víst að bekkjarfélagar mínir sáu mig í aðeins öðru ljósi í gærkvöldi. Ég nebblega held mig dálítið til baka í skólanum, segi ekki svo mikið. Ég er samt ekkert að segja að maður hafi dansað upp á borðum.. ehehe bara í góðum fíling ;)
æi... best að plata einhvern með í þynkumatarferð...

langaði að deila þessu með ykkur

-ég er ekki lengur Offitusjúklingur núna er ég bara ofeldissjúklingur, bmið mitt er s.s 29,1.
-það eru bara 10,5 kíló eftir í heilbrigðan bmi stuðul
-það eru 16,5 kíló í draumaþyngdina
-ég er s.s 30,5 kílóum léttari en ég var þegar ég vóg þyngst

Ég var á ferðalagi um daginn og bakpokinn minn vóg slétt 20 kíló… og ég var að bölva því hvað hann væri þungur þegar allt í einu uppgvötaði ég það að ég væri búin að missa fleiri kíló en ég væri að burðast með í bakpokanum.

vá… ég er ekki að fatta það…. ég er “bara” 10 kílóum of þung… BARA tíu kíló….

Ok, af einhverjum ásæðum fæ ég ekki sms sem send eru frá Íslandi. Þannig að þið neyðist bara til að hringja í mig eða kommenta hér á síðuna.

búin að sjá mynd af dömunni, alveg eins og mamma sín, sýndist ég sjá krullur. Agarlega dúlla.... núna vill maður bara fleirri myndir.

Benni hringdi í mig í gær kl hálf tólf (að dönskum tíma), ég auðvita löngu sofnuð (var svo úrvinda að ég rotaðist um kl 10 ( að dönskum tíma). Þegar síminn hringdi, glápti ég bara á hann og skildi ekkert hvað var að gerast, loksins þegar ég áttaði mig þá gat ég ekki svarað (fingers to fat.. press any key (simpson)) að ég skellti óvart á hann. Svo átti ég ekki inneign til þess að hringja til baka þannig að ég fór bara að sofa. Sem betur fer fyrir hann, hringdi hann ekki aftur eins og Jói um daginn. Jói bró hringdi s.s í mig um daginn og klukkan var hálf tólf (23:30 að dönskum tíma) á virkum degi og ég steinsofandi, skellti óvart á og hvað haldið þið að bríðir hafi ekki verið sætur og beðið í hálftíma með að hringa aftur..... mín var sko pirruð.
Elskurnar mínar muna að það er TVEGGJA TÍMA munur og ég reyni að fara snemma í bólið, sérstaklega núna þegar maður þarf virkilega á góðri hvíld að halda. Það þarf að vera eitthvað mjög mikilvægt(eða sérstakt) ef þið eruð að hringja eftir kl 9 (21 að íslenskum tíma) plís.... :D

jæja.. það nennir ekki nokkur maður að lesa ruglið... góða nótt

Stúlkan er komin í heiminn!
Samkvæmt nýjustu tölum var hún 14 merkur og 50 cm.
Ég er samt hálf móðguð... fékk ekkert að vita fyrr en um kl 19 (að dönskum tíma) en samkvæmt mömmu fæddist stúlkan um hádegisbilið (að íslenskum tíma). Reyndar sagði mamma að hún hefði sent mér sms, held að hún sé að skrökva því að ég fékk ekkert sms... Eins gott að bróðir noti ekki þessa afsökun líka. Spurning um að ath hvað maður sendir mörg sms (og borgi) sem komast bara alls ekki til skila, þrátt fyrir að maður sendi á rétt númer.

En stúlkan er komin og held ég að móður og barni heilsist bara vel, hef reyndar ekki hugmynd um það, en væri nú sennilega búin að frétta það ef eitthvað hefði verið að. (vona ég)

Benni og Hrefna innilega til hamingju með dótturina.

Nú heimta ég að sjá myndir ;)

Hljómar þetta blogg nokkuð frekjulega..... neee held ekki

Sirkusinn stóð gersamlega undir væntingum og aðeins meira en það. Lét sykurinn eiga sig í þetta skipti, hefði nú samt þurft á honum að halda, 4 tíma sýning, vond sæti.... en atriðin bara flott. Set inn nánari lýsingu seinna!

Blogg dagsins er afmælisblogg!

Amma mín hún Þorgerður er 73 ára í dag, til hamingju með daginn elsku amma mín (ég hringdi nú samt í hana, hún er nú ekki svo tæknileg ;) )
Benni bróðir og Hrefna eiga 1 árs brúðkaupsafmæli, til hamingju með það. Sendi þeim báðum sms í morgun og hef ekkert svar fengið... hummm. Vona að lukkudýrið þeirra fari að koma sér út úr kúlunni ;)
Svo eru það Elfar, Gísli Freyr og Sarah sem eiga líka afmæli í dag... til hamingju þið

Svo ef ég blogga ekki fyrir 14 júní þá á Jói bróðir afmæli 32 ára... til hamingju með það.

Veðrið hérna er búið að vera vangefið... bara 20-30 gráðu hiti dag eftir dag (komin vika...) og það sér ekki fyrir endann á þessum andskota... það ætti að banna svona hita í lestrar fríinu... ik?
Tíbískt að leið og skólinn klárast fari að rigna... Vona samt ekki, syss og Reynir verða nú að kynnast góða veðrinu( ef ekki þá bara góða verðinu.. hehehe)

Sirkus Arena( www.arena.dk ) er í bænum, spurnig um að skella sér á sýningu! Fortíðarþráin eitthvað að spila með mig.... hihi ohh hvað ég man hvað var gaman að fara í sirkus á Egilsstaðatúninu ( þar sem kleinan og níjan standa nú) í gamladaga!
Man að ég vildi alltaf fá kandífloss, mamma sagði sagði alltaf að hún vissi að mér fyndist það vont .. en ég lét hana sko ekki plata mig með einhverju rugli. Endaði svo á því að henda sykrinum útaf því að mér fannst þetta svo ógeðslegt! Mamma veit best (var ekki einhver texti sem innihélt þetta?)

Í dag var ég búin að ákveða að blogga.
Ástæðan, jú Hrefna mágkona mín átti að fera fyrst á skurðarborðið á fæðingadeildinni á Selfossi. Það átti að ss. kippa litlu dömunni í heiminn agalega snemma í morun. En! Nei læknirinn hringdi í gærkvöldi og sagði að það væri bara ekki pláss og þau ættu bara að koma eftir viku. Það var sem sagt einhver fjöldi kvenna sem þurfti á bráðakeisara að halda og þau bara sett á "hold" á meðan. (vona að það sé í lagi að ég bloggi um þetta...)
Þannig að ég verð bara að bíða með þetta æsi spennandi blogg mitt.

En að öðru

Ingó er búin að vera hjá mér síðastliðna vikuna og ég verð bara að segja ohhh hvað var gott að hafa hann hjá mér. Við munum sennilega bara ekki hittast aftur fyrr en í ágúst, æi.. það er bara svo langt þangað til.
Við áttum algerlega frábærann tíma, fórum meðal annars til Ribe (mæli svakalega með að fólk skelli sér þangað), gerði svo næstum útaf við kallinn í hjólatúr sem varð hringferð um esbjerg (túr du Esbjerg) þar sem við nánast hjóluðum hringinn í kringum bæinn. (reyndar er bærinn nú ekki stór) og á meðan ég var í skólanum var Ingó bara á egin vegum að skoða hvað bærinn hefur upp á að bjóða (nánar um það má lesa á hans bloggi, mæli með þeirri lesningu bara fyndið)
En Ingó er farin í vinnuna og ég sit hér ein eftir og á víst að vera að læra.... prófið nálgast með ógnar hraða. Sem segir það líka að Þorgerður og Reynir eru bara alveg að fara að koma til mín.

Jæja best að ganga frá boðskorta sendingum og fara svo að læra. (ef það eru einhverjir sem endilega vilja fá boðskort þá meiga þeir alveg láta í sér heyra með að kommenta.

Gleymdi aðeins ... þegar ég setti þetta inn í morgun! Já ss.
-Við erum s.s búin að panta hringana og boðskortin eru frímerkjuð (ég er s.s búin að vera að sleikja upp drottninguna í dag...)
-Ég brann svo svo skemmtilega á baki/öxlum. Ég er skjöldótt á bakinu hehehe, svona er að setja sólarvörn á sig á met tíma....
- Ingó lennti í meiri hremmingum ... Taskan hans var skilin eftir í Köben... þvílíkt vesen

Já loksins, að sjálfsögðu var það stelpa.
Varð alls ekki hissa þegar mamma (já mamma mín... ekki tengdó...) sagði að það hefði verið stelpa, einhvernig var það bara ekki inni í myndinni að þetta yrði strákur... skrítið :D

En já, Fúsi og Guðveig Innilega til hamingju með stúlkuna!
Nu vantar mig bara nákvæmari upplýsingar um dömuna, já og bíddu mamma er á línunni
Daman var semsagt 16 merkur og 52 cm.

Til hamingju

Svo er bara spurning hvort ég og Ingó höfum rétt fyrir okkur með nafn á skvísuna!

Finnst engum nema mér loforð þessarar nýju ríkisstjórnar hljóma dálítið OF vel... sé ekki alveg hvernig þetta á allt að púslast saman með því að halda ríkiskassanum á réttrihlið. Mér finnst eins og þeir séu bara að halda áfram með nokkra hluti sem framsókn er búin að vinna hart að síðustu ár og sjálfstæðið hefur ekki viljað takast á við... svo taka þeir að sjálfsögðu allt hrósið.. hnuss það er kúkalykt af þessari baugstjórn sérstaklega sjálfstæðisplebbunum.
Eins og Guðni segir um loforðin "þau eru óljós eins og andatrúin". Guðni er snillingur.


æi... ég nenni ekki að útskýra mál mitt betur og hér verður ekki spjallað meira um pólitík í bili... OK

Krabbi: Vertu bjánalegur, fjarstæðukenndur. Fylltu höfuðið af hugsunum sem eru fallegar en skipta engu máli. Búðu til ný orð yfir það sem þú uppgötvar.


já, best að fara eftir spánni! Er að læra anatomi (s.s allt um innihald og hreyfigetu líkamanns). Spurning um að ég gefi öllu draslinu bara ný nöfn, eitthvað sem er auðveldara að muna. Ekki?

Annars er spáð allt að 30 gráðu hita hér um næstu helgi.... spurning hvora spánna á að taka alvarlega?

Allt of langt frí í skólanum, er s.s búin að vera í fríi síðan um hádegi á miðvikudag. Eitthvað vantar upp á staðfestuna hjá mér, dorma bara hér í lausulofti og get ekki annað... best að drífa sig í að gera eitthvað ef viti.... læra... kannski.

p.s bara vika í að Ingó komi... eins gott að ég verði búin að lesa almennilega ... hehe

Kommon segið mér sögur... mér leiðist ;)

Guðveig! Hvurnig er það... er barnið ekkert að fara að koma í heiminn???
kveðja
Ein að farast úr spenningi

Mér s.s leiðist alveg svakalega og mig vantar eitthvað til að huxa um heeh... nenni ekki að læra :S

Hvað segið þið, komin tími á blogg?
Það er nebblega þannig að þegar það hefur ekki verið bloggað lengi þá hringir stóribróðir í mig og skammast.... eina leiðin til að heyra í þeim hjónum er að blogga ekki, þannig ég er á báðum áttum með hvort ég eigi að blogga eða ekki!

Það er samt greinilegt að það er prófatíð og sumarfrí eru að byrja því að það nennir ekki nokkur maður að blogga, já og kannski er bloggið að detta uppfyrir!

Fyrsti gesturinn minn fer að koma til mín, komin tími til að ég fái einhvern í heimsókn !!! Það er hann Ingó sem ætlar að dvelja hjá mér í viku ohhh hvað ég hlakka til :D Hann kemur nú samt ekki fyrr en 26 mai en það er í lagi að fara að hlakka til.
Svo kemur litla syss og Reynir í heimsókn eftir prófin og verða í 2 vikur!!! svo er bara ísland í sumar.... Vantar reyndar vinnu, bara í einn mánuð þar sem ég hef ekki tíma í meira. Ef þið vitið um einhvern sem vantar hörkuduglega stelpu í vinnu frá 6 júlí til 6 ágúst endilega látið mig vita... TAKK!

En þar sem allt er á fullu í skólanum og líður að prófum hef ég nánast ekkert að segja. Reyndar eru prófin á fyrstu önninni ansi undarleg þar sem við fáum ekki einkunn og getum ekki fallið. Ansi undarlegt ég veit. Prófin standa yfir í 2 daga (25 og 27 júní) og verður prófað saman úr öllum námsgreinum.... já ég skil þetta ekki heldur. En maður verður auðvita að standa sig þannig að ég er farin að lesa.

Afmælisbörn þessarrar viku eru, Óli Hrefnu (fóstursonur stóra bró) þann 13, Óli foss (forsetinn) þann 14, Drífa M(sveit-ungi) og Eydna (færeyingurinn) þann 17. Man ekki eftir fleirum þannig að þið! Til hamingju með daginn ;)

Læt fylgja með mynd af mér og Torfa vini mínum, barnið bara vildi ekki við neinn annann tala, ég átti bara að halda á honum, bursta tennur og bara allann pakkann. Endaði með því að hann sofnaði hjá mér, vildi ekki liggja hjá mömmu sinni... vandræðalegt :D hehe.. þetta er semsagt annað barna Sveins (hinn íslenski sjúkraþj.neminn hér í Esb.) og Guðrúnar sem eru búin að vera svo yndæl að bjóða mér að verða húsgagn hjá þeim.

Kosningar kosningar kosningar mikið verður gott þegar þetta er yfirstaðið og landinn getur farið að tala um eitthvað annað. Heppin að búa í útlöndum!

En afhverju tala pólitíkusar ekki um annað en álver og virkjannir? Hvernig væri nú að tala um eitthvað annað.
Mér hefur fundist umræðan vera á svo láguplani fyriri þessar kosningar allir bara að skíta hvorn annan út, allt einhverjum öðrum að kenna. Hvernig væri nú að vera málefnalegut og hætta að tyggja sama hel"#$%? tyggjóið.

Það eru allir að tala um uppbyggingu á austurlandi, jú jú það hefur verið gerð myndarleg andlitslyfting en ynnihaldið er það sama. Fólk bara vinnur myrkranna á milli, safnar skuldum og baktalar náungann.
Ég veit alveg að ég hef nánast ekkert verið þarna á austurlandinu síðustu fjögur árin, nema að vinna(myrkranna á milli) en opnið augun áður en það verður of seint. Það er fólkið sjálft sem verður að gera eitthvað, það er ekki hægt að bíða bara eftir að "pólitíkusar" geri eitthvað fyrir ykkur... VAKNIÐ. Standið saman og gerð austurlandið að stað sem fólk vill búa á, það er ekki hægt að ætlast til að fólk bara streymi austur til að vinna á þessum eina vinnustað sem er að verða eftir (lesist álver). Hvað varð um að skemmta sér, hafa gaman og njóta lífsins.
Eins og staðan á Egilsstöðum er í dag þá myndi ég ekki vilja búa þarna, það er ekkert sem togar í mig nema fjölskyldan mín. Það þarf eitthvað til að unga fólkið vilji snúa heim aftur eftir nám.

Don't ask what your country can do for you, ask what you can do for your country

Kannsi er ég hræsnari að tala svona en það verður bara að hafa það.

kv Sigga sem lofar að skrifa ekki meira svona rugl.

Gleði gleði gleði
Fæ annað húsnæði þann 1 júlí. hehe.. Þorgerður og Reynir verða sko notuð við flutningana ;)

Ég hélt að ég gæti aldrei hlustað á óperur, hélt að það myndi ég bara láta ógert. En ég verð að viður kenna að ég er gersamlega kolfallin fyrir Garðari "okkar" Cortes, ekki nóg með það að maðurinn syngur svona líka vel þá er hann líka hot ;) mæli með því að þið kíkð á síðuna hans http://www.cortes.is/ (af einhverjum ásæðum get ég ekki sett inn link.... ) og hlusta á lögin þar inni Ohh var gersamlega með gæsahúð þetta er svo flott.

Er s.s. komin heim eftir yndilsega helgi í Hamborg þar sem við túrisuðumst örlítið og "hygguðum" (þýðir að hafa það notalegt) alveg helling.

Ætli það sé ekki best að koma með nokkrar afmæliskveðjur svona í lokinn.
Krisín, Trausti og Jónas urðu öll 33 ára þann 3 mai
Þorgerður mín yndislega systir varð 21 árs þann 6 mai
Til hamingju með daginn öllsömul ;)

Þetta verður afmælisdaga blogg núna í mai, allt of margir sem eiga afmæli i þessum mánuði

góða nótt

Mér þætti gaman að vita nákvæmlega hvaða dagur það er sem allir danir læsa sokkaskúffunni og pakka niður síðubuxunum. Hér er það nefninilega þannig að bara allt í einu eru allir í kvartbuxum(hehe.. að vera á kvartbuxunum... ætli fólk kvarti meira en vanalega) og sandölum (berfætir). Ég reyi eftir fremsta megni að halda í við þessa tísku, enda er þetta ákv. sparnaðar ráð þar sem maður þarf ekki að þvo sokka og langar buxur hehe.

Héðan er annars bara allt fínt að frétta, skólinn á fullu og það er alveg greinilegt skipulagsleysi kennara (auðvita eru til undantekningar..) er ekki einskorðað við ísalandið. Það er alltaf eins, seinnihluta annar er alltaf klikkað mikið sem á að gera.

Er búin að vera í mestu vandræðum, átti að kaupa "eitthvað" handa unganum sem á að koma í heiminn núna upp úr mánaðarmótum. Hvað veit ég um hvað á að kaupa handa ungabarni ... ekkert... veit ekki hvort kynið það er þannig að það hjálpaði nú ekki, var bara sagt að þeim vantaði "allt" þvílíkar upplýsingar. Þar sem ég þekki Guðveigu nánast ekkert var bara erfiðara að velja. Keypti smá af fötum (gulum hehe) og ákvað svo bara að gefa þeim stóra gjöf ásamt tengdó. Þannig að þau fengu sent smá af ósamstæðum fötum þar sem veit ekkert... en svona er þetta bara. Ég verð nú að komast í gírinn með að versla barnadót þar sem 2 eru á leiðinni í familíunni.

Er annars á leiðinni til Hamborgar á fimmtudaginn þar sem ég mun eyða helginni með Ingó. Það verður sko túristast helling ;) Hlakka svo til að skoða borgina, er búin að fara þarna í gegn nokkrum sinnum og lýst bara svo vel á þessa næststærstu borg Þýskalands.

Í dag, 29. apríl 2007 hefði langamma mín, Oddný Jónasdóttir orðið 100 ár, í til efni dagsins munu afkomendur hennar koma fyrir kross á leiði hennar í kirkjugarði á Stöðvarfirði. Hún lést af barnsförum (er þetta rétta orðið?) aðeins 29 ára, frá manni og fjórum börnum. Guð blessi minningu þína, amma!

nenni ekki meiru... yfir og út

Mátti til með að blogga þar sem ég á að vera að læra.

Fyrst vill ég óska öldruðum bróður mínum til hamingju með daginn í dag, alveg 34 ára (það er að sejga ef ég er að telja rétt, enda ekki hægt að hafa tölu á þessu) Benni minn ég er nú bara að grínast, til hamingju.

Svo er það litla barnið mitt sem átti afmæli á föstudaginn síðasta, mér finnst ég þurfa að íhuga að panta pláss á elliheimilinu (handa mér sko) en hann bróðursonur minn, eina barnabarn foreldra minna varð 14 ára þann 20. apríl. Jón Gunnar til hamingju með daginn.

Það eru nú nokkrir sem áttu líka nokkrir aðrir afmæli í þessum blessaða mánuði t.d. Sibba, Hafþór Snólfur, Kári, Þórhildur drottning og að ógleymdri nýrri prinsessu sem fæddist í gær. Til hamingju allir, líka þeir sem ég er að gleyma.

bið að heilsa í bili ;)

ohhhh ég er bara að verða brjáluð á fólkinu sem ég bý með.
- vaskurinn alltaf fullur af drasli
- eldavélin og ofninn gersamlega viðbjóðslega út subbað
- þetta litla bekkpláss í elhúsinu fullt af mat, matarleyfum, vibba subbi, og óhreinum matarílátum (pottum, diskum osvfr.)
- allir pottar óhreinir
- óhreinar nærbuxur á baðherbergisgólfinu
- framhjáhalds læti fram á nótt
- að þurfa að þola það að vakna um miðja nótt við að það sé verið að blása upp vindsæng til að stunda reiðar á framm á morgun
- að veggirnir eru svo þunnir að ef ég kynni spænsku vissi ég nákvæmlega hvað væri verið að segja
- að ég er búin að vera alveg svakalega þolinmóð þennann tíma og að vera að missa móðinn núna þegar það er bara mánuður eftir af sambúðinni, þær fara heim 12 mai.

Fyrst voru þær svo þægilegar í sambúð en núna eru þær bara í standi (eins og hundarnir) stráka vesen alla daga og það eru sko læti í þeim (talað hátt og hlegið svakalega... ) Fyrstu vikurnar voru þær að biðja mig t.d að passa mig að loka hurðinni minni varlega eftir kl 10....... en núna koma þær ekki heim fyrr en ca. 1 um nóttina og þá með viðhöldin sín með og það ...... ohhh

kv. Sigga pirraða.

p.s það er bara stundum sem ég á svona daga, þar sem ég get snappað yfir minnstu hlutunum. Bara allir litlu hlutirnir eru búnir að safnast upp og svo kemmur bara einn pínuhlutur sem lætur allt fara af stað. Held mig bara inni í herbergi í dag, reyni að hafa sem minnst samskipti við þau sem ég bý með ... vona að þetta jafni sig ef maður lækkar bara undir, svo bara vona að það sjóði ekki uppúr.